مش عارف ليه قلتها.. ولا فاهم ليه سجلتها
(تخاريف ثورية)
(بالعامية المصرية المروكروكية)
هيا الثورة فشلش؟!
ولا نجحت عالحروكروك!!
ولا الثورة فشلش..؟؟
وإحنا اللي
قاعدين نلوكلوك
ولا الثورة نجحش..؟؟
وإحنا اللي
ماشيين نزوكزوك..!!
ايوة الثورة نجحش
والإعلام عمااااال
يشوكشوك
وانت يا واد يا نصر
وانتي يابنت فوكفوك
انا مش قصدي مصر!!
أنا قصدي مروكروك
أنا مش قصدي مصر..
انا قصدي ثورة ..مروكروك!!
وانت يا واد يا عبد الباقي
وإنتي يابنت يا حياة
الأمل لساته باقي
والبركة
(فيما هو آآآآت)!!
والثورة راح تفضل ثورة..
مهما التعلب لف وفات..
والدورة ..حتدور بالدورة
وحنحيا في ثبات وتبات
ونخلف ثوار للثورة..
أحرار...صبيان وبنات
والثورة راح تفضل ثورة
والزبايب والدقون..
مش حتكون
في اي وش!!
مش حتكون في وش يخون..
أو بيكذب...أو بيغش
والعدل..حيشوط في الجون!!
والظلم ..حيخاف ويكش!!
والحق ..حيفضل مضمون
والأمن..حيسود ويحش
وحتخاص كل الديون
ولا حنفلس ولا حنش!!
والثورة راح تفضل ثورة..
ولا حيكون في مكان
للبلطجي ..او للشحات
والمحتاج والغلبان حيعيشوا
عيشة بهوات
والمسجون والسجان حيكونوا
اصحاب وإخوات
والمرو..حيسيل سيلان
ولا حد ..حيكسر اشارات
والخلاصة إن الإنسان
حيعيش مكروم الذات..
والثورة راح تفضل ثورة..
بس يا واد يانصر.
وانتي يا بنت ..فوكفوك
أنا مش قصدي مصر!!
أنا قصدي.. مروكروك
أنا مش قصدي ثورة مصر!!
أنا قصدي ثورة..مروكروك
!!!