خصم اليوم

بعيداً عن السياسه والتعاسه والغلاسه
يالا حبة كلبشه فى الفرفشه والنعنشه

خصم اليوم
{{ كتبتها لأخي وحبيبى وأستاذي النجم الكبير }}
{{محمد صبحى أثناء مسرحية الهمجي ٨٦ م }}
{{لما خصم من أجري يوم وكان يومي ب ٢٠ جم}}
------------------------------
روحت أشكى للنجوم والغيوم والمطر .. إنه
طعن بسيف مسموم قلبى البرئ .. إكمنه
مضى مرسوم بخصم اليوم ولا رجع عنه
آل يعنى عمرى يا صبحى ناقص يتخصم منه
بالزمه جالك قلب تمضى على المرسوم
بالزمه جالك قلب .. بالزمه جالك نوووم
يا أهلى يا صحابى يا ناسى يا خوانا يا أعضاء فرقته
يا خلق حد فيكم يواسى قلبى في هزيمته ومحنته
وإنت يا لينين يا نازى تشاركه حتى في قسوته
بالزمه جالك قلب .. تمضى على المرسوم
بالزمه جالك قلب ... بالزمه جالك نووووم
مضى حبيبك مضى .. يا قلب يا مصدوم
زي القدر والقضا .. أتى النبأ مشؤوووم
يا صدى رج الفضا .. بصرخة المظلوووم
ولى زمان الرضا .. ولا الرضا مخصووم
لا ليه يا صبحى كدا .. ولاعاد عتاب ولا لوم
سعد زغلول إتنفى .. وأنا إتخصملى اليوم