تحيا مصر
نثرية بالعامية في حب مصر
(( قلتها من 40 سنة..وكملتها قبل الطباعة بسنة))
تحيا مصر وتحيا تحيا في كل ناحية وكل حال
تحيا مصر في المصانع في المزارع في الجبال
بس إحنا نسيبها تحيا وهي تحيا وتبقي عال
تحيا مصر
تحيا مصر ونطورها لاجل بكرة نعيش في خير
لاجل بكرة مصر خيرها..يبان على وش الفقير
مش تهييص للرئيس..مش تصفييير للوزير
تحيا مصر
في كل خطوة..في كل لحظة ..في كل دار
تحيا مصر الخير يعم..والعدالة والعمار
مش بنافق اي حد..لا بأكد على الشعاااار
تحيا مصر
تحيا مصر عيش عدالة..بالحرية والكرامة
تحيا مصر واستحالة ناخدها في سكة ندامة
لا نأخدها ولأ نقودها..لسكة الخير والسلامة
تحيا مصر
تحيا مصر بجد جدا..مصر حياتها..حياتنا
لو يسود العدل فعلا..راح يعم العدل ذاتنا
مش حسقف للي جاي..ولا أولول ع اللي فاتنا
تحيا مصر
تحيا مصر وتحيا تحيا في كل ناحية وكل حال
حتى بعد ماخدنا صفر..في ملف المونديال
حتى بعد ما قمنا ثورة ..بلا أب..وبلا خااااال
تحيا مصر
حتي بعد الستة واحد..برضو تحيا
وبعد ما الارهاب ما أب..برضو تحيا
حتى بعد ما دمي سال..في الوراااق
قدام كنبسة العذرااااء...برضو تحيا
تحيا مصر
تحيا مصر شرطة وجيش
وشعب عاشق للحياااااة
تحيا مصر..وبكرة نعيش
أحلي معيشة ..بفضل الله
وحتى لو بكرة ما جالكيش
إحنا حنفضل نجري ورااااه
لحد ما نجيبه يغنييييلك
وإحنا كمان نغني معاااه
تحيا مصر
تحيا مصر تلاتين يونيا
لما الدنيا..جالها ذهول
تحيا مصر أم الدنياااااا
وقد الدنيا وقد القول
وبكرة تحيا وبعده تحيا
في كل وقت ..وكل ناحية
في المزارع..والمصانع
في الكنايس والجوامع
في المسارح والجبال
بس همه يسيبوها تحيا
ورغم أنفهم..حتحيا
وتبقي فل.. وتبقي عال
تحيا مصر