" يا بحـــــــر "

يا بحر
يا بحر ما أبدعك
وقت الغروووووب
الشمس بتودعك
وفى الغيوم تدوب

وقبل ما تنطفى
وتنزوى وتختفى
مالت عليك تحضنك
توشوشك .. تطمنك

أنا بكره من بدرى
حاجى إليك بجرى
مش حقدر أتأخر
عن حبيب عمرى

تحزن على بعدها
وتشكى للنجوم
موجى من بعدها
مش حيجيله نوم

ييجى الظلام يقولك
يا صاحبى أنا خلك
وأنا اللى ..فاضيلك
وأنا اللى عارف سرك

أنا عارف إن الشمس
بتنورلك..مشاعرك
بس أنا وحيك وإلهامك
ونثرك أنا وشعرك

وأنا اللى حا دلك
وخبرتى حتقولك
إياك والهوا يا بحر
إوعى الهوا يذلك
إوعى الهوا يذلك