فعلاً يابنتى.. دا حقيقى.. وشىء أكيد
عملنا ثورة.. فى يوم عظييييييم.. يوم مجيد
بس فعلاً يا حبيبتى من ساعتها.. ما فيش جديد
حاحكى لحفيدتى أشرح لها.. حالة بلادى
قامت ما نامت دنيتى.. يوم عيد ميلادى
بقى يوم تاريخى. مش طبيعى ولا عادى
مع إن كله لسه عادى من ساعتها للساعة دى
البليد لساه بليد.. والفقير لسااااه فقير
والشر أصبح أشر.. والخير مابقاش بخير
بس لسه عندنا.. أمل كبير فى ربنا
يحفظ لنا مصرنا.. من طمعنا وشرنا
يقرب اللى يحبنا وينسف اللى يضرنا
دا هى روحنا وعمرنا وف قلبنا من صغرنا
وهى صاحبتى وحبيبتى
وهى عقدتى.. وعقيدتى
وهى والدتى.. ووليدتى
وهى انتى.. يا حفيدتى
وهى انتى.. يا حفيدتى».
جدك: صلاح عبدالله
تاريخ ميلاد الجد : 25 يناير 1955م
تاريخ الكتابة : 19 مارس 2013م
تاريخ ميلاد الحفيدة: 19 مارس 2013 م