هى..اةةة..
(بين قوسين ) هو يكتب ..
لحظة يمشى ..
هو ماشى!!!
أنا يااااة ..
هى اييية...
انا اةةةةةة...
انا : اخر مرة شفتك من سنين .
هى : اة كنا لسة صغريين.
انا . يووووووة
هى مالك...
أنا انا ياما قولت يووووووة...
من حلاوتك من جمالك .
بين قوسين هوة ييجى..
لحظة يمشى . واحنا نشرب ..
بين قوسين تانين هى .. تسرح ..
تطلع مرايا تبص فيها .
والدموع من عنيها ..فجأة تنزل ..
أنا .. اكمل .
أنا فى المحاضرة ..
فى المحاضرة كنتى اجمل واحدة حاضرة ..
كنتى حلوة .
حلوة جداااااا...
فى المناقشة ...
حتى فى المناقشة ...
كنتى حلوة .
حلوة فعلا ..
فى المظاهرة ...
كنتى اكتر واحدة ظاهرة .
حتى برضو فى المظاهرة .
وانتى صرخة باعلى صوت
فاكرة يا روحى المظاهرة .
هى " فاكرة ايوة فاكرة .
حد ينسى احلى ذكرى .
بين قوسين انا اشاور . هو ييجى .
انا بيرة تانى .
هى ماشى .
هوة يكتب . لحظة يمشى .
هى تشرب . انا اواصل .
انا فى المظاهرة .مشيت وراكى ..
اول مرة اخرج فى المظاهرة كان عشانك .
فى المظاهرة مشيت وراكى .
الكل ثائر .وأنتى ثائرة...
الكل فاير . وانتى فايرة...
الكل يسقط كل شئ وتسقط كل حاجة .
وانا ساكت .
بس عنيا متشلتشى من عليكى..
ما كنش ليا فى السياسة ..
بس كان لى فيكى !!!!!!!!!!!
وصدرك المليان انوثة فى البلوزة.
ويا يسقط كل شئ . يتهز هز يفور لفوق .
يتهز هز . اتهز هز .
اوم نيران الشوق تجز . فى قلب صدرى .
ينطلق من جوف سكوتى .
صوت اكنة جن صوتى .
يسقط كل فاسد . كل نوتى .
سخنت اكتر لما ايدى .
فجأة صارت بين ايدكى .
ماكنش ليا فى السياسة .
بس كان ليا فيكى .
واتقفشت .
فى النهاية قلت شعر .
قلت شعر فى النيابة .
عن غلاوتك والغلابة .
عن جمالك والديابة .
عن انوثتك والضياع اللى احنا فية .
عن شفايفك والكلام .
اللى بندور علية .
عن قوامك والنظام .
والظلم اللى راقد فوق قلوبنا .
وفوق دروبنا بانتظام .
والشمس اللى غرقت . فى عز النهار . فى بحر الظلام .
عن عنيكى والظلام . والمحبة والبراءة والهوية .
وصوت احمد فؤاد والشيخ امام .
بيغنوا فى الخلفية .
( مصر يامة يا بهية . يام طرحة وجلابية ..
الزمن شاب وانتى شابة هو رايح وانتى جاية )
يومين وطلعت براءة .
هو شاعر .
بس شاعر ,
بعد حبسى التقيتك .
فضلنا نمشى لحد بيتك .
الايدين حاضنة بعض .
العينين بتقول قوالة .
مشتاقين جداا لبعض .
والبعد اصبح استحالة .
فجأءة بقينا لوحدنا .
وانفردنا بنفسنا . انفردنا .
واتنينا جوة بعض . وانفردنا .
وصدرك المليان انوثة .. تيت تيت تيت .
جون صدرى تيت تيت تيت .
ونسينا خالص نفسنا .
ودبنا بروحنا فى حبنا .
ثم رحنا فى احلى تيييييت .
ثم نمنا . ايون نمنا .
يومها عومنا فى بحر النوم .
كنا فى شهر التييييت .
بس يومها . ما نحسبشى ليا تييت . ولا ليكى .
ماكانشى ليا فى التنطيط . بس كان ليا فيكى .
ماكانشى ليا فى تييت وتييت . بس كان ليا فيكى .
ماكانش ليا فى حاجة . بس كان ليا فيكى .
بين قوسين هو ييجى .
انا : بيرة .
هو مالك .
انا : اية .
هو : مالك .
انا : مالى .
هو : من ساعة ما جيت وانت بتكلم خيالك .
انا ايية .
هو : من ما جيت وانت بتكلم خيالك .
صلاح عبد الله .