( مش فاكر كتبتها إمتي ..بس فاكر كتبتها لمين.. كتبتها ليك إنت.. يا قلب يا مسكين)
ياقلبي يا حاير
ياقلبي يا حاير يا تايه ما بين السكك
نظرة يا صاحبي تحمسك ونظرة تشتتك
ونظرة ياقلبي تحننك ونظرة تربكك
ونظرة تانية تطمنك ونظرة تالتة تشكك
نفسك تلاقي نفسك..كيانك..أمانك..حريتك
وف كل درب جديد نلقي القيود بتزيد
نروح لسكة تانية ومن البداية
كل السكك ياخطوة يا ملهوفة
كل السكك نهايتها معروفة
لكن لابد نسير حتى النهاية
لكن لابد نسير حتى النهاية
حتى النهاية .. حتي النهايه