( تابع تخاريف الجلطة والفالنتين )
( مش فاكر كتبتها إمتى بالتحديد..بس نصها قدييييييم ونصها جديد)
بحبك بس مضايق
ومتعكنن ومش رايق
ومش فايق ومش طايق
ولا قادر أفوق ولا أروق
ومتكتف قوي ومخنوق
مع إني قاتلني الشوق
ارفع دماغي فوق
وانام سنة على صدرك
وسين السنة تحتها كسرة
ياللي عينيكي مليانة حسرة
حسرة وكسرة ورعب وخوف
نفسي اشوف..نظرة بنصرة
وانام حبة على صدرك
بحبك بس مرعوب
اقرب اتحدف بالطوب
ماليش في الطوب ولا في الغاز
ولا الخرطوش ولا المولوتوف
بحبك بس كسلاااااااااان
ومتدغدغ وتعباااان
ومتأريف وقرفان
ولو إن ومن زمان
عاشقك أنا وملهوف
وأحلف مليون يمين
معجون بشوق وحنين
أخدك في حضني سنين
وأموووت وراسي على صدرك