قصيدة " دمعتك على خدي"

دمعتك على خدي                                                                                    

صرختك مكتومة ليه؟
وبسمتك الوردي
مقهورة مهزومة .ليه؟
يامصر يابلدي..انا فهمي على قدي!!!
شديني من إيدي..وقوليلي أعمل إيه!!!
علشان أهنيكي..وافتخر بيكي
وما أشوفش في عينيكي ..بكرة بتبكي عليه
دانا شايفه بيلومنا
عاللي جري في يومنا وعايز يقومنا
من الوحل اللي احنا فيه
يابكرة لا تلومنا
ساعدنا وإخدمنا ..وياريت تفهنا
نمشي منين وبإيه ؟!!
نمشي منين ولإيه ؟!!
دمعتك على خدي وصرختك مكتومة ليه
وبسمتك الوردي
مقهورة مهزومة ليه؟!
مين اللي خان؟
مين اللي باع؟
مين اللي زيف الحقيقة
لوتقدري ردي..
قولي ليه يا مظلومة
دمعتك على خدي والود ودي
اقطع ابدين الظالمين
وأخد بتارك
وأرد شرفك واعتبارك
ده الود ودي اقطع ايدين الظالمين
مين اللي خان؟
مين اللي باع؟
مين اللي زيف الحقيقة
لوتقدري ردي..
قولي ليه يا مظلومة