لملمي همك وهمي

لملمى همك وهمى

وأطلقى دمعك يا أمى

وحياة محمد واليسوع

إوعى تحبسى الدموع

اطرديها.. وفضفضيلى

كونى نور عينى ودليلى
واطلقي دمعك يا امي
فجريني بين ضلوعك
بلي ريقك من دموعك
من سكوتي خرجيني
من سكوني حركيني
وشجعيني وحفزيني
وكبريني في حضنك حبك
وافرحي باينك يا امي

علمينى إزااااى أسير

علمينى أعشق وأغير

إولدييينى أولدك

إوجدينى أوجدك

وأوعدك.. أوعدك

بكره حبدأ فى التغيير

أو بعد بكره بالكتييير

اخطفيني من عذابي

من دموعي واكتئابي

نوريلي سكتي

عشان أكمل ثورتي

نفسي اكمل ثورتك

نفسي أتمم فرحتك

وأرتمي في حضنك ياأمي