بقولك إيه..مش إمبارح
لقيتني في الفضا سارح
بناجي نجمة مسنودة
على سحابه معدية
وصورتك فيها موجودة
تلاغي قلبي وعينيا
وبعد ثواني معدودة
لقيت الدنيا مش هيا
اتغيرت..وعفرت
وغيمت ..ومطرت
وسحابتي من كتر البكا
ماعادش ليها وجود يا عين
والنجمة وقعت م السما
ماعرفش راحت ليه..وفين
والحلم اللي ..فجأة جابني
وشدني لسحرك ..وسحري
بعد ما..قربني منك
قام م النوم..وراح سابني
سابني سارح في الفضا
في الفراغ.زفي اللاشئ
القرب دا..فعلا قضا
والبقعد برضه نفس الشئ
والماضي يا قلبي مضى
وبكره تايه في الطريق
والحاضر المليان اسية
لا ليه ملامح.. ولا هوية
اما ياروح الروح..امبارح
لقيتني في الفضا..سارح
بناجي نجمة مسنودة
على سحابة ..معدية!!