ياللي عيوني عاشقة عيونك
نفسي اشوف الكون بعيونك
نفسي عيوني..تشوف بعيونك
وأعرف مييييين بيحبك فعلا
مين بيصونك..مين بيخونك
نفسي اشوف الناس...بعيونك
عيوني شايفة عيون الشعب
مليانه حيرة..ومليانة رعب
وعيوني يائسة..ومتشائمة
ونفسي أتفاءل...لكن صعب
عيونك بقي شايفانا ازاااي
وإيه اللي في بكرانا جااااي
إحنا وقعنا..وخلاص ضعنا
ولا الثورة بتشرب شااااااي
وحترجع تملا المياديييييين
يالي بتحكموا باسم الدين
وانتوا كمان.. يا معارضين
يا نحقق اهداااااااف الثورة
ياإما.... اسف مش لاعبين
سامحوني ياناس واعذروني
دا اللي بيحصل جن جنوني
والشك...شكشكلي عيوني
شاكك إن..الكل...بيكذب
شاكك فيها..وفي اللي جابوني
وعشان كدا نفسي في عيونك
نفسي اشوف الكون بعيونك
نفسي عيوني..تشوف بعيونك
وأعرف ميييييين بيحبك فعلا
مين بيصونك.....مين بيخونك