رغم فرق السن بينا..اتقابلنا
نظرة منك..نظرة منى
كلمة منك..كلمة مني
نسينا سنك كام وسني
واتفقنا يا حبيبتي ع المحبة والوداد
مرتين والتالته غبتي ومن ساعتها
حسيت كإن ..فرق السن..زاااااد
ياللي قلبي ماحد قبلك
خلي فرحة ينطلق
نفسي اشوفك نفسي أقابلك
لو لساعة ونفترق
نفسي أحكي لك حكاية
عن حياتي..نفسي افضفض
بعد هجرك في المراية
شفت شعري كله ابيض
شفت حلمي بينتحر
شفت املي بيتحرق
رغم فرق السن بينا
نفسي اشوفك مرة تانية
ولو لثانية..ولو لثانية ونفترق
لو لثانية ونفترق!!
أصحابي بتوع زمان بيبعتولي الحاجات اللي قلتها.
.ونسيتها..عن طريق الفيس..
شكرا لياسر انيس