بين بولاق والحياة ..
---------------
بين بولاق والحياة ..
ترعة .قطر . وكوبرى .
وبولاق علمتنى والليالى.. فى الحياة دى ..
درس غاااالى .
أوعى يا بنى تمشى دوغرى ..
بص تحتك . بص فوقك .
شوف شمالك . شوف يمنيك..
أن لمحت الهم فوق .
أمشى تحت .
وأن شوفت الغفير يمينك.
خد شمالك .
وأنت خارج منى يا بنى .
لازم تطاطى .
وأنت راجع ليا يا بنى.
لازم تطاطى .
وأنا مش عوزاك.. مطاطى .
هما اللى عايزينك مطاطى .
أوعى تصرخ .
مهما تصرخ أو تهاتى .
مادام بقيت بولاقى .
لااازم تطااااطى .
أوعى تقول أنك مظلوم .
أو تشكى حقك مهضوم .
أو تصرخ الاكل غالى . او ان مفيش هدوم .
وأن تعبت من الظلم خاااالص .
نااااااااااااااااااااااااام.
ألهى يا بنى تنام ما تقوم .
صلاح عبد الله .